Jak Lom Banda Aceh Hana Pat Eh Seumijid Raya Pih Jeut



Mercinews.com – Banda Aceh, sayang leupah na teuh di aneuk nanggroe. Bak jak kalon PKA u banda lam sithon si gö. Ukuran nah, adak hana pat eh seumijid luwah. Nyang u Banda beu jadeh, nyang PKA beu meuteumee jak kalon.

Nyan neukalön, kiban ramee ureung teungeut bak seumijid raya nyang meugah leupah na nyan. That ramee ureung teungeut bak rauh, jalan tajak tueng ie seumayang. Lam tanoh nyan, bek neu kira tingkat dua atawa bak hotel.

Kiban neu kalön perjuangan. Teuman ha lagee haba itu, nyan foto Apa Dolah cok bunoe suboh. Apa Dolah ka maseubok saree, trok bunoe imum ka geubaca do’a qunut (nyan bek jak peugah bid’ah keu baca qunut, ku cutit kulet pruet keuh, tan ka thee droe. Malem raya). Lheuh Apa Dola tueng ie seumayang, Apa Dolah kalön ka teu tiek-tiek aneuk nanggroe sinan. Boh tuha boh muda sama saja.

Baca Juga:  Ada Kesalahan Penulisan Kalimat Syahadat di Pintu Gerbang PKA Ke - 7

Bak sang, hek that woe PKA, atawa sit ban troh dari pane-pane kadang. Kadang sit na, lam glee töh baro troh malam-malam. Jadi suboh pansan teungeut. Hai kiban han roh, lam komplek seumijid ta eh, han jaga i bang Suboh kön keubiet kupeugah matee teungeut. Han ta teujeut pugoe, takot ji beudöh ji trom, meulipat teuh. Seu-seumayang droe teuh tan jadeh.

Baca Juga:  Berkunjung ke PKA 7, Artis Marcella Puji Kreativitas Aceh

Jadi, nyan hinan memang mangat that eh. Hana leupi, han sijuek teuh. Tinggai peuduk taih keu bantai, jacket meunyoe na, ija krong keu ta limbot, takot-takot na jamok batat ijak kap. Ka abeh peukara, meutimphan teungeut kira ju.

Seip bereh, keu hotel sit ka pre, manoe hana bayeu le. Meuteume foto bak seumijid raya, meureumpök kalön jama’ah haji beurangkat siat, aplod bak instagram atawa pehbuk. Kop bereh leumah bak ngön. Nyang bak PKA sit hana pu peugah le. Sit ka nyan tujuan utama.

Baca Juga:  Plt. Gubernur Promosikan Potensi Budaya dan Wisata Aceh 

Nyan ban Apa Dolah brie info keu rakan-rakan sinaroe sipat dua pat teuk nyang galak meubaca lam basa Aceh. Bek nyang na caröng peugah haba tok. Baca ka meu ak ek. Dan nyoe lam tulesan hana beutoi that sit. Nyang peunteng beu meuhoe dan beu meupoe lagee haba calon bupati pijay baroesa. Teuman hana meunang, ji koh can le Abuwa, lumboi dua.

[Nasaja Berita]

  • 3.7K
    Shares
Berikan Komentar